Silmin (16.02.07 Tln 18.00)

Õnnõ Su silmin

om üts pätt,

kiä’ om nii

kaval ku üts

ätt.

Ta kaes kuis elo

lätt.

Kohe ta lätt,

mille,

kuimuudu,

kunas…

Libligu kotun (16.02.07 Tln 18.15)

Ma tiiä

õt ku ma Sullõ

kiroda

siis Su põskõdehe

tulõva loho.

Ma tiiä

õt ku Sa parhillä loet

siis tulõva Sul libligu kõttu

ja tegevä sääl uma tüüd-

ka parhillä vasta üüd.

(14.02.07 ommik 8.05 Anktkuvä’)

Sa es tulnu

õkva mu manu.

Sa es andnu

õkva mul suud.

Sa es saaki

tuud kõkkõ

tetä.

Sul es olnu suud..

Ollivä õnnõ kõdunu’ luuq.

(14.02.07 ommik 8.05 Antkruvä’)

Eideke lätt

uma katõ

viiämbriga

õkva must müüdä.

Nii ta elo om….

Sõbrapäiv ( 14.02.07 Antkruva 8.15 ommik)

Täämä om sõbrapäiv.

A kiä om tu sõbõr?

Mis luum tu om?

Kas tallõ lätt kõrda

mis päiv parhillä om?

Õga päiv om ta jaost sõbrapäiv-

sõbõr om ja jääs

olgu päiv määnõ tahes.

Pää om pilpit täüs (3.03.07 tln 9.49)

Mõnikõrd mullõ tundus

õkva nigu Su pää

olõsi määnõgi suur

puukuur.

Koh olõ-õi muud

ku õnnõ puuq.

Kõiv,

Pettäi-

midägi olõ-õi tettäq.

Sa esihinnäst õnnõ pettäd.

(3.03.07 tln 9.58)

Tsilk- tsik tsilgakõnõ

veljo võtti’ verevä naasõ.

Millõ?

Selle õt neegrit olõ-õs joht võttä.

Mullõ saie mustakõnõ-

a ma saadi ta sanna.

Sääl ta pessi hinnäst

kõivõ ossigä,

allika viiga tsolgudi.

Vällä tull kuldnaanõ.

Külä tu nakas tõrõlõma,

külanaanõ kõnõlõma:

Olõ-õi tuust naasõst asja,

tulõ parõmp mullõ kosja.

Es ma usknu naasõ juttu

võti uma eide ja lätsi tuttu.

Magasi siis kullaga,

umatettü eidõga.

Hummogu siis avasti

õt miäkit om siih pahasti.

Naanõ tu om vakka ku sukk-

kujo õks kullast

külm nukk.