Luku takah ajolda
Ku sõna om väläh
siis tarrõ ta tagasi
inämp lää-õi.
Ta pand ussõ
kipõstõ kinni
ja kõnd minemäki är’.
Tsumadani võtt’ hindägä üteh,
ajo unõhtäs maaha.
Ku sõna om väläh
siis sa olõt
ütsindä seeh-
esihindä ullõ mõttide tarõh,
luku takah,
ütsindä.
Verrev ubin
Ku hing saa täüs,
siis nakas helü
hilla katõ kapstalehe
vaihõl pääh pessmä.
Ku hing saa täüs,
siis tarõ jääs tühäst.
Ku hing saa täüs
siis nakas ta ülõ
viirõ aama.
Õkva ku Piusah vesi
keväil lumõ
minõmisõ aigu.
Kipõstõ.
Õkvalt sinno üteh võttõh.
Sa sajat maha ku ubin,
sa jäät maha ku ubin
midä tsura es tahtnu
hindälõ karmanihõ panda.
Tsura tahtsõ verevit ubinit,
a Sa olõt kõllanõ.
Õhk tetrapakõndih
Kofeniin tege tangot
hummogusõst ärätüsõst.
Kofeiin om elo,
siis ku malts on är
hapõnõnu
õhu käen.
Ku inõminõ
om är hapõnu
õho käen.
Ku õhk om
tetra pakõndi seeh
esihinnäst hingaman.
Purki
Tahasi võtta mõttõ
ja panda
na riiuli päälõ är-
savvu purkõ vaihõlõ,
vanaimä riiulihõ,
pimõdähe keldrihe
hiiri mano.
Kaanõtaja on är kaonu
mõttidõ kaanõtaja.
Mõttõ püsü-õi pään,
püsü-õi purgin,
püsü õi kohki.
Kaanõtaja om är kaonu
Mõttidõ kaanõtaja.
Vanõmuinõ
Vanõmuinõ,
laina ajo-
kannõl om mul
eski olõman.
Vanõmuinõ,
laina ajo-
pää om mul
eski olõman.
Vanõmuinõ,
laina ajo-
ja ma mängi
Sullõ kannõld.
Kats sõsar kargasõ, kargasõ.
Mõlõmpa mõistva, mõistva.
Tuudi-luudi
luudi
tuudi-luudi
luudi.
Hilla tulõ
Ku tähõ tähistä-õi,
valgus om vakka.
Siis ma tulõ hillä,
ülõ valgõ
lumõ.
Paljajalo.
Õnnõ siis ma saa tulla,
ja olla sinoga üteh.
Su kõrval,
Su üsäh.
Ummi mõttidõga
Sinoga üteh
lõngakeräh.
Kommentaare ei ole:
Postita kommentaar