Õnneseerum

Mõnikord om tuu jaost
õt tiidä'
õt elo om õitsev malts
vaja õt
tsirk
sullõ
raekoja platsin
pää päälõ situs.
Mõnikord om tuu jaost
õt tiidä'
õt elo om õitsev malts
vaja õt
kiäki jalaga persehe and.
Mõnikord om tuu jaost
õt tiidä'
õt elo om õitsev malts
vaja õt
mulla maitsõ
olõsi taas kõrd suun.
Mõnikord om tuu jaost
õt tiidä'
õt elo om õitsev malts
vaja õt
ossõ maitsõ olõsi suun.
Mõnikord om tuu jaost
õt tiidä'
õt elo om õitsev malts
vaja õt
miäkit tulõtasi miildõ
õt naabril om viil sitõm
ku sul.